افغانستانتیتر یک

آغاز رزمایش پیمان امنیت جمعی به رهبری روسیه در مرز افغانستان

پیمان امنیت جمعی به رهبری روسیه امروز بزرگترین رزمایش نظامی خود را در مرز تاجیکستان و افغانستان آغاز کرد.

به گفته وزارتخانه‌های دفاع روسیه و تاجیکستان، در این رزمایش بیش از ۵۰۰۰ سرباز که نیمی از آنها روسی هستند شرکت دارند.

این رزمایش‌ قرار است شش روز ادامه یابد.

روسیه و متحدانش پیش از این هم در پی تسلط طالبان بر افغانستان در مناطق مرزی تاجیکستان و افغانستان تمرینات نظامی انجام داده‌اند.

روسیه نگران احتمال نفوذ شبه نظامیان اسلام‌گرا به جمهوری‌های شوروی سابق در آسیای مرکزی است.

مسکو که یک پایگاه بزرگ نظامی در تاجیکستان دارد، به دوشنبه اطمینان داده است که در صورت هرگونه خطر مرزی به آن کمک خواهد کرد.

گفتنی است که تاجیکستان برخلاف دیگر کشورهای آسیای مرکزی، تمایل به همکاری با دولت طالبان ندارد و مخالف شناسایی بین‌المللی آن است.

روابط طالبان و تاجیکستان اخیرا بخاطر اظهارات مقامات دو طرف دچار تنش شده که حتی گزارش شده بود هر جانب در مناطق مرزی نیروی جا به جا کرده‌اند.

لینک کوتاه

https://www.roushd.news/r192p
نرخ اسعار خارجی نرخ اسعار خارجی در بدل پول افغانی

نوشته های مشابه

دکمه بازگشت به بالا
بستن