اتحادیه اروپا از تداوم کمک‌هایش به مردم افغانستان اطمینان داد

به گزارش خبرگزاری رشد؛ وزارت امور خارجه گروه طالبان امروز چهارشنبه (۱۹ قوس) اعلام کرده که مولوی امیر خان متقی وزیر این وزارت با ژیل برتران، نمایندهٔ ویژهٔ جدید اتحادیهٔ اروپا برای افغانستان در کابل دیدار کرده است.

برتران در این دیدار، از تداوم کمک‌های اتحادیهٔ اروپا به افغانستان اطمینان داده است.

وی از همکاری‌های بیشتر اتحادیهٔ اروپا در عرصهٔ اقتصادی به‌ویژه در بخش سکتور خصوصی افغانستان نیز یادآوری نموده و خواهان همکاری‌های بیشتر دو طرف به‌منظور جلب سرمایه‌گذاری شرکت‌های بزرگ خارجی در افغانستان شد.

وزیر امور خارجهٔ طالبان هم خواهان برداشتن گام‌های مثبت اتحادیهٔ اروپا در راستای پیشرفت افغانستان در عرصه‌های مختلف شد.

خبرگزاری رشد