ناامنی تاجیکستان از مرز افغانستان؛ طالبان و دوشنبه در مورد هماهنگی امنیتی صحبت کردند
به گزارش خبرگزاری رشد؛ وزارتخارجه گروه طالبان امروز سهشنبه (۱۱ قوس) اعلام کرده که مولوی امیرخان متقی با سراج الدین مهرالدین، وزیر خارجه تاجیکستان تلفنی صحبت کرده است.
دو طرف در مورد روابط سیاسی، همکاریهای اقتصادی، وضعیت مرزی، هماهنگی امنیتی و ابتکارات منطقهای بین دو طرف گفتگو کردند.
متقی در این تماس تلفنی گفته که این گروه و تاجیکستان اخیراً فضای اعتمادی را برای همکاریهای سیاسی، اقتصادی و امنیتی ایجاد کردهاند، اما برخی حلقهها در تلاشاند تا این روند مثبت را تضعیف کنند.
وزیر امور خارجه تاجیکستان، هم گفته که تاجیکستان طرفدار تعامل مثبت با گروه طالبان است و گروههای مغرضی را که به دنبال تضعیف روابط بین دو طرف هستند را رد میکند.
این در حالی است که اخیراً حملاتی از مرز افغانستان تحت کنترل گروه طالبان بالای کارگران چینی در تاجیکستان انجام شدهاند که در نتیجه آن ۳ تن چینی کشته شدهاند.
خبرگزاری رشد
