دفتر ریاست جمهوری کشور اعلام کرده که رییس جمهور غنی در سفری دو روزه، امروز کابل را به مقصد دوشنبه، پایتخت تاجیکستان ترک کرده است.
به گزارش رشد؛ او به دعوت رسمی امام علی رحمان، رییس جمهوری تاجیکستان، صبح امروز، سهشنبه ۲۱ثور با یک هیات عالی رتبه از مقامات دولتی به آن کشور سفر کرده است.
در این سفر، رییس جمهور غنی با مقامهای ارشد کشور تاجیکستان در مورد گسترش روابط و همکاریها میان دو کشور در عرصههای مختلف، بحث و تبادل نظر خواهد کرد.
روسای جمهور دو کشور در طول این سفر موافقتنامههای همکاری امضا خواهند کرد و آقای غنی در دانشگاه ملی تاجیکستان برای دانشجویان تاجیکستانی سخرانی میکند.
صلاح الدین ربانی، وزیر امور خارجه، علی احمد عثمانی، وزیر انرژی و آب، فرید حمیدی، دادستان کل و قدرت الله دلاوری رییس شرکت ملی برق افغانستان (برشنا) آقای غنی را همراهی میکنند.