شاگردان انستیتیوت ملی موسیقی، افغانستان را ترک کردند

شاگردان انستیتیوت ملی موسیقی افغانستان زیر هدایت ناصر سرمست، کشور را به مقصد پرتگال ترک کردند.

به گزارش خبرگزاری رشد؛ احمد ناصر سرمست رییس انستیتیوت ملی موسیقی کشور گفته که بیش از ۱۰۰ تن از شاگردان و معلمان این انستیتیوت کابل را ترک کردند.

او گفته که شاگردانش کابل را به مقصد پرتگال ترک کرده‌اند.

پرتگال به دادن ویزا به شاگردان و خانواده‌های آنان موافقت کرده است.

ناصر سرمست یازده سال پیش انستیتیوت ملی موسیقی کشور را بنیاد نهاده بود.

گفتنی است که پس از سقوط افغانستان به دست طالبان، همه نهادها و دفاتر موسیقی و هنرمندان در کشور تعطیل شده و مسوولان همه از کشور فرار کرده اند.