برگزیده های سایتتیتر یک
نشست امنیتی هرات در تاجیکستان
تاجیکستان برای اولین‌بار میزبان یک نشست بین‌المللی درباره افغانستان بعد از بازگشت طالبان به قدرت در این کشور خواهد بود.
این کنفرانس «نظام فراگیر در افغانستان: اصول، مدل‌ها و گام‌ها» نام دارد و قرار است روزهای ۲۹ و ۳۰ نوامبر سال جاری میلادی در شهر دوشنبه برگزار شود.
مرکز مطالعات افغانستان و منطقه، یک سازمان غیردولتی در تاجیکستان، و انستیتوت مطالعات استراتژیک افغانستان (AISS)، از برگزارکنندگان این نشست بین‌المللی هستند.
قرار نیست نشست دوشنبه اعلامیه‌ای به تصویب برساند، بلکه تنها راه حل‌هایی را برای برون‌رفت از بحران فعلی افغانستان تهیه خواهد کرد و به توجه جامعه جهانی خواهد رساند.
