افغانستانبرگزیده های سایتتیتر یک
کوچ اجباری نظامیان پیشین توسط طالبان در هرات
منابع محلی در ولایت هرات می‌گویند که طالبان خانواده‌های نظامیان پیشین در این ولایت را کوچ اجباری داده‌اند.
به نقل از روزنامه ۸ صبح، یک منبع معتبر محلی در ولایت هرات روز شنبه، ۱۴ جوزا، گفته است که طالبان خانواده‌های نظامیان پیشین را در ساحه غند۱۱ این ولایت وادار به کوچ اجباری کرده‌اند.
به گفته منبع، طالبان به خانواده‌های ساکن در این ساحه دستور داده‌اند که هرچه زودتر این ساحه را ترک کنند.
طالبان به این خانواده‌ها گفته‌اند که نمی‌توانند بعضی از وسایل خانه‌های‌شان از جمله بایلر (آب‌گرم‌کن) و پمپ‌های آب را از خانه‌ها انتقال دهند.
بر بنیاد معلومات منبع، تا کنون ۳۰ خانواده پس از این دستور طالبان از ساحه غند۱۱ کوچیده و خانواده‌های طالبان در آن جابه‌جا شده‌اند.
طالبان در دیگر ولایت‌ها از جمله پنجشیر و بغلان نیز خانواده‌های زیادی را کوچ اجباری داده‌اند.
لینک کوتاه