گروه طالبان مانع برگزاری نماز عید شیعیان شدند

گروه طالبان مانع برگزاری نماز عید سعید فطر شیعیان در مساجد شهر کابل و ولایات کشور شدند.

شماری از شهروندان شهر کابل امروز شنبه(اول حمل) به خبرگزاری رشد گفتند که گروه طالبان مانع برگزاری نماز عید سعید فطر شیعیان در مساجد این شهر شدند.

شهروندان شهر کابل می‌گویند که جنگجویان گروه طالبان صبح وقت امروز شنبه( اول حمل) به تمام مساجد شیعیان مستقر شد‌ه‌‌اند و مانع برگزاری نماز عید سعید فطر شده و نماز‌گزاران شیعه را نگذاشتند که داخل مساجد شوند.

به گفته‌ی شهروندان شهر کابل، جنگجویان گروه طالبان تا اذان ظهر در مساجد مستقر بودند و مانع ورود شیعیان به مساجد محلی شان شدند.

این در حالی است که گروه طالبان روز پنجشنبه هفته گذشته را عید سعید فطر اعلام کرده‌بودند اما اکثری شیعیان روز شنبه را عید گرفته‌اند.

شیعیان افغانستان می‌گویند که به اساس مبنای فقهی خویش از مراجع تقلید شان پیروی می‌کنند نه از رهبر غایب گروه طالبان.

اکثری مراجع دینی شیعیان امروز شنبه روز نخست عید سعید فطر اعلام کرده است.

خبرگزاری رشد