مسدود شدن ۱۸ باب دواخانه در کابل

وزارت صحت عامه گروه طالبان اعلام کرده که این وزارت‌ ۱۸ باب دواخانه را در ولایت کابل مسدود کرده‌است.

به گزارش خبرگزاری رشد؛ وزارت صحت عامه گروه طالبان امروز شنبه (۴دلو) اعلام کرده که این وزارت، به‌منظور کنترل قیمت‌ها، جلوگیری از احتکار و انحصار، تأمین کیفیت و تطبیق قوانین صحی، از شماری دواخانه‌ها در ناحیه اول و بیستم شهر کابل نظارت نمودند.

در جریان این نظارت، ۳۶ باب دواخانه بررسی شده که از این میان، ۱۴ باب دواخانه به‌دلیل فعالیت آنچه طالبان آنرا خودسرانه می‌خواند و ۴ باب دواخانه به‌دلیل قیمت‌فروشی مسدود شده‌اند.

طالبان از تمام مسوولان دواخانه‌ها خواسته تا با رعایت قوانین صحی، فعالیت‌های خود را مطابق لوایح و مقررات نافذه ادامه دهند.

خبرگزاری رشد