رییس جمهور غنی به تاجیکستان رفت
رییس جمهور افغانستان صبح امروز در راس یک هیئت بلندپایۀ دولتی به کشور تاجیکستان رفت.
به گزارش خبرگزاری رشد؛ محمد اشرف غنی که به دعوت رسمی امام علی رحمان، رییس جمهور تاجیکستان به این کشور سفر رفته مدت دوروز را در شهر دوشنبه، پایتخت تاجیکستان سپری خواهد کرد.
رییس جمهور غنی در جریان این سفر با رییس جمهور تاجیکستان و دیگر مقامهای این کشور دیدار و گفتگو خواهد کرد.
این گفتگوها در مورد روابط و همکاریهای دوجانبه میان تاجیکستان و افغانستان خواهد بود بر گسترش روابط تاکید خواهد شد.
گفته میشود در این سفر توافقنامههای همکاری هم میان مقامهای افغان و تاجیکستانی به امضا خواهد رسید.
محمد اشرف غنی، رییس جمهور افغانستان در این جریان در دانشگاه ملی تاجیکستان نیز سخنرانی خواهد کرد.
باید یادآور گردید که این نخستین سفر رییس جمهور غنی از زمان آغاز کارش به اینطرف به کشور همسایۀ تاجیکستان است.